Stiklur

Hér er stiklað á helstu viðburðum í sögu Reiknistofu bankanna frá því áhugi vaknaði á að samnýta tækni og aðferðafærði við úrvinnslu bankaverkefna, með hagræðingu og sparsemi að leiðarljósi, en þó að hafa mátt til að fylgjast með nýrri tækni og nýta hana fyrir íslenska fjármálastarfsemi.

1970

Aðdragandinn

Bankastjórar viðskiptabankanna ákveða á fundi sínum 25. nóvember, að skipa nefnd til að athuga möguleika á sameiginlegri þjónustu fyrir viðskiptabankana, einkum sameiginlegri notkun rafreikna.
1970
1971

Rafreikninefnd skilar greinargerð

Rafreikninefndin taldi hagkvæmara, almennt séð, að reka einn stóran rafreikni í stað fleiri smærri, og taldi, að kostirnir væru helstir: minni stofn- og rekstrarkostnaður og fleiri tæknilegir möguleikar.
1971
1972

Framkvæmdanefnd skipuð

Framkvæmdanefndin vann í 1½ ár að söfnun upplýsinga frá bönkunum, gerð útboðslýsingar og öflun tilboða og skilaði skýrslu um þau tilboð sem bárust og samanburði á þeim.
1972
1973

Stofnfundur

Stofnfundur Reiknistofu bankanna var haldinn 23. mars 1973. Á þeim fundi var undirritaður sameignarsamningur um Reiknistofuna og kosin stjórn, varastjórn og endurskoðendur.
1973
1973

Samstarfsnefnd

Bankarnir tilnefndu menn í samstarfsnefnd um RB og hélt sú nefnd fyrsta fund sinn 15. nóvember 1973. Fyrsta verk samstarfsnefndar var að taka afstöðu til skýrslu framkvæmdanefndar um þrjú tilboð í vélbúnað fyrir RB, frá Burroughs, IBM og NCR og ákvað, eftir nákvæman samanburð, að mæla með því við stjórn RB að IBM samstæðan yrði fyrir valinu.
1973
1974

Starfsemi hefst

Forstjóri hóf störf 1. september 1973, en fyrstu starfsmenn eru ráðnir í ársbyrjun 1974, yfirkerfisfræðingur, ritari og fimm kerfisfræðinemar.Fyrsta starfsfólkið
1974
1974

Samningur um fyrstu tölvuna

Samningur um fyrstu IBM tölvuna fyrir Reiknistofu bankanna var undirritaður í hringborðssal Landsbanka Íslands í febrúar. Undirritun
1974
1975

RB flytur í nýtt húsnæði í Kópavogi

RB flutti höfuðstöðvar sínar á Digranesveg í Kópavogi.

Starfsfólk ráðið í kerfisrekstur.
Fyrsta tölvukerfi RB tekið í notkun, AH Ávísana- og hlaupareikningar.
Nú var mögulegt að vélvæða allan lestur á tékkum og jafnframt afgreiða daglegt uppgjör milli banka.Sjá mynd
1975
1975

Fyrsta tölva RB

IBM 370/135.

Innra minni 148 Kb.
IBM 3330 diskar 100 Mb.

Prentari 2000 línur á mínútu.

Tveir OCR lesarar.

Spjaldalesarar 80 og 96 dálka.
Fyrsta tölvan
1975
1976

Samdægurs bókun tékka

Skjalaskipti með samdægurs bókun hófust 11. júní að kerfisprófi loknu og þá hafði náðst áfangi, sem hvergi annars staðar í heiminum var að finna, þ.e. vélræn skjalaskipti og samhliða bókun allra tékka á viðkomandi reikninga.
Þannig skilaði RB á hverju kvöldi sama árangri og „skyndikannanir“ Seðlabankans áður, en þær höfðu verið framkvæmdar 3svar til 5 sinnum á ári með ærnum tilkostnaði og fyrirhöfn.
1976
1977

Sparisjóðsverkefnið

SP-kerfið tilbúið í desember. Afgreiðslustöðum tengdum RB um símann fjölgaði um 9 á árinu. Eftir að SP-kerfið komst í notkun jókst áhugi útibúa um allt land á símatengingu við RB og jafnframt með hliðsjón af tíðum vaxtabreytingum.
1977
1978

Fyrstu útlánaverkefnin

Skuldabréfa- og innheimtuvíxlakerfi tekin í notkun. Stefnumörkun samþykkt af flestum bönkum og kaup á fjórum sinnum stærri vél en fyrir var enda var samþykkt, að bankarnir skyldu flytja alla sína
tölvuvinnslu til RB til að réttlæta kaupin.
1978
1978

IBM 370/147

Ný tölva keypt, innra minni er 1 Mb.

„Þrefalt fljótari en IBM 370/135“
1978
1979

Útstöðvar fyrir kerfissvið

Kerfissvið fékk útstöðvar beintendar við tölvu RB til hönnunar og viðhalds kerfa.
Örskyggnur voru teknar í notkun til geymslu á listum og til uppflettinga.
1979
1981

Myntbreytingin

1. janúar 1981 var gerð myntbreyting þar sem felld voru brott tvö núll af verðgildi krónunnar, þannig að 100 gamlar krónur urðu að 1 nýrri krónu.

Þessi ákvörðun krafðist eðlilega breytinga á öllum tölvukerfum sem unnu með íslenskar krónur.
1981
1981

Skjalalaus greiðsluskipti

Hætt er að senda tékka til RB í innlestur í ágúst 1981, en í þess stað er þeir skráðir á staðnum og sendir um gagnalínu.
1981
1983

Samningur um Kienzle afgreiðslukerfi

Samningur við EJS um kaup á Kienzle afgreiðslukerfi.

Samband íslenskra sparisjóða verður fullgildur samstarfsaðili.
1983
1987

Nýtt stýrikerfi

Nýtt stýrikerfi MVS í stað DOS.

OCR lestri hætt í RB
1987
1986

RB flytur að Kalkofnsvegi 1

RB flytur í húsnæði Seðlabankans að Kalkofnsvegi 1, sumardaginn fyrsta 24. apríl 1986.
Keypt var fyrsta stórtölvan, IBM 3090/150 með 32 MB minni.
Sjá mynd
1986
1987

Upptaka kennitalna í stað nafnnúmera

Frá og með 1. janúar 1987 verður núverandi nafnnúmerakerfi þjóðskrár og fyrirtækjaskrár lagt niður en í þess stað teknar upp
nýjar auðkennistölur fyrir einstaklinga, fyrirtæki,
félög og stofnanir, svonefnd kennitala. Hagtíðindi 1.12.1986
1987
1993

Debetkort tekin í notkun

Í lok 1993 var DK-kerfið tekið notkun og tók við færslum úr posum og kassakerfum þeirra söluaðila, sem gert höfðu samning við kortafyrirtækin um móttöku debetkorta. Nokkur andstaða var við kortin í byrjun, því ekki voru allir sáttir við gjaldtöku bankanna.
1993
2000

Aldamótaátakið

Breyta þurfti fjölda tölvukerfa vegna aldamótanna.
Til að spara pláss á geymslumiðlum höfðu ártöl verið skrá með tveimur tölustöðum, t.d. 87 í stað 1987. og síðan öldinni 1900 bætt við í útreikningi og við útprentanir. Að óbreyttu yrði því árið 2000 túlkað sem 1900, þ.e. tveir síðustu stafir ártals að viðbætti fyrri öld 1900. Þetta myndi augljóslega valda villum og röngum niðurstöðum við úrvinnslu.
2000
2001

Kröfupotturinn tekinn í notkun

Kröfupotturinn eykur skilvirkni og þægindi og einfaldar fólki að fá yfirlit og greiða reikninga. Potturinn er jafnframt umhverfisvænn þar sem hann dregur úr pappírsnotkun og póstsendingum.
2001
2003

Upptaka IBAN númera

Alþjóðlega reikningsnúmerkerfið IBAN var tekið í notkun fyrir mitt ár og þannig staðið við tilskipun Evrópska efnahagssvæðisins.
2003
2003

Niðurfelling aura

Samkvæmt ákvörðun Seðlabanka Íslands voru aurar felldir niður sem löglegur gjaldmiðill frá og með 1. október 2003.
Niðurfelling aura úr öllum kerfum Reiknistofunnar var tímafrek aðgerð en tókst með ágætum fyrir tilsettan tíma.
2003
2011

RB hlýtur Upplýsingaverðlaun SKÝ

Í greinargerð valnefndar verðlaunanna kemur fram að Reiknistofa bankanna hafi í 38 ár verið leiðandi upplýsingatæknifyrirtæki á Íslandi. Fyrirtækið
hafi séð Íslendingum fyrir greiðsluþjónustu sem hefur gert viðskipti fyrirtækja og einstaklinga hagkvæm, skjót og örugg.Sjá frétt
2011
2012

RB kaupir Teris

Samkeppniseftirlitið hefur heimilað samruna
Reiknistofu bankanna og Teris
og gert samkomulag við eigendur
Reiknistofu bankanna um skilyrði
til að tryggja virkari samkeppni á
fjármálamarkaði.
2012
2013

RB flytur í Katrínartún 2

RB flutti höfuðstöðvar sínar frá Kalkofnsvegi að Katrínartúni með starfsaðstöðu fyrir rúmlega 160 manns.Sjá hér
2013
2013

Kröfupottur keyptur

RB kaupir Kröfupott Greiðsluveitunnar ehf., dótturfélags Seðlabanka Íslands Með kaupunum mun íslenskt fjármálakerfi eflast með aukinni samkeppnishæfni fjármálafyrirtækja. Kröfupotturinn heldur utan um kröfur fyrir alla íslensku bankana. Kerfið er einstakt vegna þess að í krafti þess er hægt að skoða og greiða kröfur í öllum heimabönkum. Í dag eru meira en 30 milljónir krafna stofnaðar í pottinum á hverju ári.
2013
2015

Innleiðing SOPRA hefst

Reiknistofa bankanna hefur
gert samning við Sopra Banking
Software um innleiðingu nýs innlána- og greiðslukerfis á Íslandi.
Allir íslensku bankarnir hafa notað
sömu innlána- og greiðslukerfin, sem
eru þróuð og forrituð af RB. Hafa
bankarnir síðan prjónað eigin viðbætur við kerfið. Nýja kerfið er fjölbankakerfi og verður hægt að millifæra milli banka í rauntíma.Sjá frétt
2015
2019

Jafnlaunavottun

RB hlýtur jafnlaunavottun, sem er staðfesting þess að jafnlaunakerfi RB samræmist kröfum jafnlaunastaðalsins, ÍST85:2012. Tilgangur jafnlaunavottunar er að vinna gegn kynbundnum launamun og miða að auknu launajafnrétti kynjanna. Með þessu er markmiðið að auka almenna starfsánægju starfsmanna með gegnsærra og réttlátara launakerfi
2019
2020

Nýtt millibankakerfi

Lokið við innleiðingu á nýju millibankakerfi Seðlabanka Íslands.
Veltan í stórgreiðslukerfinu var 17 þúsund milljarðar króna í um 118 þúsund greiðslufyrirmælum á síðasta ári. Millibankakerfið er kjarninn í rauntímagreiðslumiðlun Íslendinga
2020
2021

Nýtt hluthafasamkomulag

Nýtt hluthafasamkomulag var undirritað í lok ársins. Með nýju hluthafasamkomulagi, hefur eignarhald RB verið einfaldað og er RB nú eingöngu í eigu bankanna og Seðlabankans. Áherslubreyting verður hjá RB í þá átt að RB mun fyrst og fremst þjónusta bankana til þess að ná enn betri árangri í rekstri sameiginlegra lykilinnviða.
2021
2022

Sopra innleiðingu lokið

Íslenska bankakerfið keyrir nú allt í Sopra, innlána- og greiðslukerfi.
Verkefnið hófst árið 2012 og lauk í febrúar 2022, þegar greiðslukerfið var gangsett hjá Seðlabanka Íslands, Kviku og Sparisjóðnum. Með þessum lokaáfanga lýkur 40 ára gamalli sögu eldri innlána og greiðslukerfa landsins.
Að baki innleiðingunni liggja um 277.000 vinnustundir í vinnuframlagi starfsmanna RB, sem samsvarar rúmlega 39 þúsund vinnudögum. Áður voru Landsbanki, Íslandsbanki og Arion banki komnir í nýju lausnirnar frá Sopra.
2022
2022

ARK og Swift

Til að ná fram aukinni samlegð við rekstur sameiginlegra fjármálainnviða keypti RB ARK-kerfi og SWIFT-þjónustu Greiðsluveitunnar ehf., dótturfélags Seðlabanka Íslands.
2022
2023

RB 50 ára 23. mars 2023

Reiknistofa bankanna var stofnuð 23. mars 1973 og fagnaði því 50 ára afmæli 23. mars 2023 með starfsfólki og viðkiptavinum.RB 50 ára
2023
2023

Útleiðing stórtölvU RB

Unnið var markvisst að útleiðingu stórtölvunnar og var rekstri hennar hætt 30. mars 2023, sem leiddi af sér hagræðingu og einföldun á innviðum fjármálakerfis Íslands.
Fáheyrt er að rekstri stórtölvu (IBM mainframe) sé hætt í rekstri banka. Tímamót í sögu RB þegar þessum á áfanga var náð.Síðustu andartökin
2023